Azərbaycanlı şair Musəvi Miyanəci (Qiyasi) vəfat edib

GADTB: Mərhum Musəvi Miyanəci (Qiyasi) 1325-ci ildə Miyanada anadan olub. Gənc yaşlarından şair atası tərəfindən həvəsləndirilərək şeir yazmağa başlayıb. O, türk və fars dillərində, müxtəlif şeir biçimlərində dəyərli əsərlər yaradıb.

Mərhum şairin nəşr olunmuş əsərləri arasında «Aşura rəvayəti», «Ölməz dastan» və «Əbədi qiyam» kimi əsərlər yer alır.

Onun digər əsər və şeirləri sırasında «İbrət aynası», «Yeddi bulaq», «Könüldən dağ», «Atalar sözü – sözlərin gözü», «Gözdən düşən Miyana», «Bayatılar» və «Elimin dili» də var.

Bundan başqa, mərhum ədibin yaradıcılığına «Lisanül-Qeyb» divanından doqquz qəzələ nəzirə», «Məhərrəm zümzüməsi» və «Hökumət nizamnaməsi» — Həzrət Əlinin (ə) Malik Əştərə göndərdiyi fərmanın nəzmə çevrilmiş tərcüməsi — daxildir.

Musəvi Miyanəci zəhmətkeş və təvazökar şair kimi tanınıb. Onun yaradıcılığından 2 mindən artıq nəşr olunmamış beytin də yadigar qaldığı bildirilir.