GADTB Güney Azərbaycan Demokratik Türk Birliyi
GADTB: ABŞ prezidenti Donald Trampın administrasiyası noyabr ayında keçiriləcək aralıq konqres seçkilərinədək İranla müharibənin daha da genişlənməsinin qarşısını almağa çalışır. Ancaq Ağ Ev rəsmilərinin seçkilərdən sonra İrana qarşı hərbi əməliyyatların gücləndirilməsi imkanını nəzərdən keçirdiyi bildirilir.
Reuters dörd mənbəyə istinadən xəbər verir ki, vitse-prezident Cey Di Vens də daxil olmaqla Trampın yüksək səviyyəli müşavirləri 3 noyabr seçkilərinədək münaqişənin mümkün qədər məhdud saxlanılmasını dəstəkləyirlər.
Məqsədin müharibənin Respublikaçılar Partiyasının seçki nəticələrinə mənfi təsir göstərməsinin qarşısını almaq olduğu bildirilir.
Reuters-in məlumatına görə, hərbi əməliyyatlarda yaranmış nisbi fasilə ABŞ ordusuna sursat ehtiyatlarını bərpa etmək və hərbi imkanlarını yenidən toplamaq üçün vaxt qazandıra bilər.
