ABŞ-ın sanksiyalarına görə Almaniyanın “Volksvagen” şirkəti İrandan çıxır

GADTB-nin Mətbuat Mərkəzinə daxil olan məlumata görə, ABŞ administrasiyası “Volksvagen” avtomobil şirkətini İran adlanan ölkədə bütün fəaliyyətini dayandırmağa inandıra bilib.

Bunu jurnalistlərə açıqlamasında ABŞ-ın Almaniyadakı səfiri Riçard Qrenella deyib. Onun sözlərinə görə, razılaşma çərşənbə axşamı əldə edilib:

“Şirkət ABŞ sanksiyalarına əməl edəcəyini bildirib. Biz bu qərardan razıyıq”.

O, “Volksvagen”in bundan sonra da İranda humanitar xarakterli fəaliyyətlə məşğul ola biləcəyinə izn verildiyini bildirib.