GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, bu gün 2018-ci il dekabr 31-də işğalçı və irqçi fars rejim Güney Azərbaycanın Sarab şəhərində çox sayda azərbaycanlı fəalı kütləvi şəkildə həbs etdi.
Hələlik yaxalanan fəallardan ancaq bir neçəsinin adları məlumdur. Rejimin məmurları bu gün saat 14:00-da azərbaycanlı fəal Səhənd Məalini öz iş yerində, azərbaycanlı fəal Vəhid Nurəhmədini saat 14:00-da öz evində, yenə saat 14-də azərbaycanlı fəal Heydər Məzinini öz iş yerində və saat 14:00-da Məhəmməd Rəncbəri öz evində yaxalamışdır. Adları məlum olan və olmayan yaxalanan azərbaycanlı fəalların harada saxlanması barədə məlumat yoxdur.
Adları məlum olan fəallardan başqa digər fəalların da yaxalandığı və onların adlarının hələlik bilinmədiyi bildirilir.
Qeyd edək ki,azərbaycanlı fəallardan Səhənd Məali Babək Qalası Qurultayı ərəfəsində rejimin məmurları tərəfindən yaxalanıb və daha sonra heç bir günahı olmadan 10 ay həbsə məhkum edilmişdir.
