GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı milli-mədəni fəal Abbas Lisani bu gün 2019-cu il yanvarın 15-də Təbrizdə məhkəmə iclası bitdikdən sonra mülki geyimli məmurlar tərəfindən həbs edilib.
Azərbaycanlı fəalın rejimin Təbrizdə yerləşən İnqilab Məhkəməsinin 2-ci şöbəsində məhkəmə iclası keçirilib və o özünü müdafiə üçün hazırladğı Azərbaycan türkcəsində mətni məhkəməyə təqdim edib.
Məhkəmə iclası bitdikdən sonra rejimin mülki geyimli məmurları azərbaycanlı fəalın məhkəmə binasından çıxmasına mane olub və onu həbs etmişlər.
Abbas Lisanini müşayiət edən təbrizli fəalların bildirdiyinə görə, o məhkəmə iclasından sonra ETTELAAT məmurları tərəfindən prokurorluğa aparılıb və fəallardan oranı tərk edib Abbas bəyi gözləməmələri tələb edilib.
Hələlik fəalın vəziyyəti barədə dəqiq məlumat yoxdur. Abbas bəyi müşayiət edən fəallar ehtimal edir ki, rejimin təhlükəsizlik qüvvələri Abbas Lisani ilə təbrizli fəallar arasında görüş imkanı olmaması üçün onu yaxalayıblar.
