Sepah Ələhvazda sel fəlakətində könüllü yardım edən ərəbləri həbs edib

GADTB-nin Mətbuat Mərkəzinə daxil olan məlumata görə, işğalçı fars rejimin terrorçu Sepah təşkilatı Ələhvazda sel fəlakətindən əziyyət kəçənlərə könüllü yardım edən ərəbləri həbs edib.

İranda İnsan Haqları Kampaniyasının insan haqları fəalı Kərim Dəhimiyə istinadən verdiyi məlumata görə, Ələhvaz ərəblərindən iki könüllü yardım sevər Əhməd Kəbi və Yaqub Kəbi bu gün,  digər 9 yardım sevər isə aprelin 9-da həbs ediliblər.

Kərim Dəhiminin sözlərinə görə, Əhməd və Yaqub Kəbi əhali arasında yığılmış yardımları bölüşdürən zaman Sepahın Kəşfiyyat İdarəsinin məmurları tərəfindən saxlanılıb və naməlum istiqamətdə aparılıblar. Onların hansı səbəbdən tutulduğu məlum deyil.