GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İraq Türkman Cəbhəsinin lideri Ərşad Salehi İraqın Baş naziri Adil Əbdülmehdinin Türkiyə səfərini şərh edərkən deyib ki, dünən baş tutan səfər Türkiyə və İraq yaxınlaşması fonunda atılan çox mühüm addım idi.
Onun sözlərinə görə, tərəflər ikitərəfli və çoxtərəfli görüşlərdən sonra bir çox məsələlər haqda razılığa gəlib:
“Əsas müzakirə mövzularından biri olan su probleminin aradan qaldırılması haqda razılığa gəlinib. Cənab Ərdoğan həmçinin İraqda yenidən Türkiyə baş konsulluğunun açılacağını da vurğulayıb”.
Salehinin sözlərinə görə, bu görüşdən sonra dövlətlər arasında iqtisadi münasibətlər sürətlə inkişaf edəcək:
“Türkiyə və İraq arasındakı ticarətin inkişaf etdirilməsi məqsədilə sahibkar və biznesmenlərin Türkiyəyə səfəri planlaşdırılır.
Həmçinin iki ölkə arasında əldə olunan hərbi əməkdaşlıq və güvən razılaşması olduqca sevindirici bir haldır”.
