GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin dünın mayın 24-də Təbrizdə tanınmış azərbaycanlı fəal Əziz Purvəlinin dəfn mərasimində yaxaladığı fəallardan heç bir məlumat verilmir.
Qeyd edək ki, rejimin ETTELAAT İdarəsinin məmurları dəfn mərasimində toqquşma yaradıb və mərasimdə iştirak edən azərbaycanlı fəallar Mehdi Dustdar, İrəc Şirzad, Əli Radməniş və Məhəmməd Əfsəri Xətibi yaxalamışdılar.
Bundan əlavə azərbaycanlı fəal Həbib Sasanian mərasimdən çıxış edəndən sonra rejimin məmurları tərəfindən yaxalanıb.
Həmçinin rejimin məmurları Əhər şəhərindən dəfn mərasimində iştirak etmək üçün gəlmək istəyən bir qrup azərbaycanlı fəalı yaxalamışdılar.
Hələlik yaxalanan fəalların vəziyyəti barədə heç bir məlumat verilmir.
