GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran adlanan ölkənin rəsmiləri Təbriz-2018 turizm ili mərasimlərindən istifadə edərək, Azərbaycan türk millətinin kimliyini təhrif etməyə davam edir.
Təbriz-2018 saytında “Azərbaycan türkcəsinin” adının təhrif edilərək “azəri” kimi təqdim edilməsindən sonra, indi də şəhərə asılan banerlərdə Azərbaycanın tarixi abidələrinin adı farslaşdırılaraq təhrif edilmiş formada xalqa və turistlərə təqdim edilir. Həmin təhriflərdən biri Azərbaycanın Qaraqoyunlu dövləti dövründə tikilən məşhur Göyməsciddir. Şəhərin müxtəlif yerlərinə asılan banerlərdə məscidin adı təhrif edilərək “məscede kəbud” şəklində əks etdirilib.
Qeyd edək ki, İran adlanan ölkənin Təbriz bələdiyyəsindəki yerli məmurları fars rejiminin rasist siyasəti istiqamətində Azərbaycan türk millətinin kimliyini təhrif etməyə cəhd göstərirlər.
