GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycana qarşı müstəmləkə siyasətini davam etdirən irqçi fars rejim Urmiya gölünə təmizlənməmiş kanalizasiya sularını axıdır.
Rejimin rəsmisi Səid Musəvi məsələyə etiraf edərək bu barədə qeyd edib ki, Urmiyanın kanalizasiya sularının təxminən 20-30 faizi təmizlənmədən Urmiya gölünə axıdılır. Bunun səbəbi təmizləmə-saflaşdırma qurğularının yetərli qədər olmamasıdır.
O həmçinin deyib: “Urmiyada kanalizasiya suları və sənaye tullantıları Qobi çayına axıdılır. Çirkab sular normal su ilə qarışdıqdan sonra “Rozə çay” suyu ilə birləşərək Urmu gölünə tökülür.”.
Qərbi Azərbaycan Ətraf Mühit Təşkilatının rəis müavini həmçinin qeyd edib ki, Urmiyanın kanalizasiya suları ilə bağlı layihələr təkmilləşəcəyi təqdirdə “Rozə çay” suyunun gölə töküldüyü yerdə təmizləmə-saflaşdırma qurğuları quraşdırılacaq və kanalizasiya suları təmizləndikdən sonra gölə buraxılacaq.
