GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejim dağıdıcı siyasəti üzündən artıq o vəziyyətə düşüb ki, işçilərin əmək haqlarını ödəməkdə çətinliklə qarşılaşır.
Rejimin Sənaye, Mədənlər və Ticarət naziri Rza Rəhmani Şahrezadakı Razi Sənaye Şəhərində yerləşən bir sıra sənaye bölmələrini ziyarət edərkən jurnalistlərə açıqlamasında deyib ki, 1.200-də istehsal müəssisəsində işçilərin maaşlarının ödənilməsi ilə bağlı problemlər var.
“Ölkənin sənaye sahələrinin 10 faizi İsfahan vilayətində yerləşir. İsfahanın vəziyyəti digər vilayətlərdən daha yaxşıdır və sənaye sahələrində problemləri azdır. Bəzi istehsal bölmələri texnologiya və istehsal xətlərinin modernləşdirilməsini, bazarların tapılmasını və səhmdar problemlərinin həllini tələb edir. Hazırda ölkənin istehsal müəssisələrinin 1.200-ü işçilərinin əmək haqlarını ödəməkdə çətinlik çəkir. Ətraf mühitin qorunması və havanın çirklənməsinin qarşısını almaq üçün ölkədə motosiklet istehsalının 10 faizinin elektrikli olması qanuni bir öhdəliyimizdir”, – o bildirib.
Naziri Mobarikə Polad Kompleksinin “API” turş neft və qaz istehsal xəttinin açılışını da edib.
