GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Təbriz şəhərinin bazarında mağaza sahibləri ermənilərin Gəncədə törətdikləri cinayətə cinayət etiraz olaraq sabah bazarı tətil edəcəklər.
Sosial şəbəkələrdə posterlə məlumat yayan Təbriz əhalisi və bazarın dükan sahibləri qeyd ediblər ki, Quzey Azərbaycanda şəhid olan sivil qardaş və bacılarına matəm saxlamaq əlaməti olaraq sabah Təbriz bazarında heç bir mağaza işləməyəcək.
Sabah həmçinin ermənipərəst və antiislam Xamenei rejiminin işğalçı Ermənistanı Azərbaycan müsəlmanlarını qətliam etmək üçün silah-sursatla təminə etməsinə etiraz olaraq Güney Azərbaycanın bütün şəhərlərində azərbaycanlılar etiraz yürüşləri keçirəcəklər. Onlar İrandan Ermənistana Nurduz Gömrük Məntəqəsinin bağlanmasını tələb edirlər.
Etirazlar bütün Güney Azərbaycanda yerli vaxtla saat 17:00-da keçiriləcək.
