GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Xalxal bölgəsində 1946- cı ildə azər ayının 26-da Pəhləvi rejimi tərəfindən Güney Azərbaycanda kütləvi şəkildə kitabların yandırmasının növbəti ildönümü ilə əlaqədar şəhərin divarlarına qrafitlər çəkilib.
Bir qrup azərbaycanlı incəsənətkar və milli-mədəni fəal bu aksiya ilə Pəhləvi rejiminin azərbaycanlılara qarşı törətdiyi mədəni soyqrımı unutdurmamaq və bu soyqırımı gənc nəslə xatırlatmaq məqsədilə həmin aksiyanı keçiriblər.
Divarlara çəkilən qrafitdə “Azərbaycana qarşı mədəni soyqrım” sözü yazılıb. Həqiqətən də bir millətin dilində olan kitabların yandırılmasının mənəvi soyqırım kimi dəyərləndirlir. Belə ki, 17 dekabr 1946- cı ildə Pəhləvi hakimiyyətinin məmurları günahsız Azərbaycan millətinə qarşı fiziki soyqırım törətdikdən sonra, onların dilində olan kitabların yandırılması ilə onlara qarşı mədəni və mənəvi soyqrım da törətmişdir.
