GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Tikantəpənin Zərəşoran Qızıl Yatağında rejimin şirkətləri Azərbaycanın qızılını talamaq məqsədilə törətdikləri partlayışla Zərəşoran kənd sakinlərinin evlərinə xəsarət yetiriblər.
Kənd sakinlərindən birinin dediyinə görə mədəndə baş verən partlayışlar nəticəsində evinin divar və tavanında çatlar əmələ gəlib.
O deyib ki, qızıl mədəninin məsulları öz şəxsi qazancları üçün ətraf kəndlərdə yaşayan əhalinin evlərini xarabaya çevirirlər. Kənd sakini problemlərinin həlli üçün hara müraciə etməli olduqlarını bilmədiklərini söyləyir.
Qeyd edək ki,əvvəllər də qızıl yatağında törədilən partlayışlar nəticəsində dəfələrlə Zərəşoran, Yeni Kənd və Yer Əziz kəndlərində yaşayan əhalinin evlərinin xəsarət almasına səbəb olub. Kəndlilərin etiraz və müraciətləri isə cavabsız qalıb.
