İraq kürd muxtariyyəti çap etdiyi poçt markasında Azərbaycan ərazilərini xəyalı Kürdüstan xəritəsinə daxil edib

GADTB-nin Mətbuat Mərkəzinə daxil olan məlumata görə, Şimali İraqda Kürd Muxtariyyəti Papanın İraqa səfərini bəhanə edərək çap etdiyi poçt markasında Güney Azərbaycanın böyük bir hissəsini xəyalı Kürdüstan xəritəsinə daxil edib.

Çap edilən markada Qərbi Azərbaycan vilayəti və Şərqi Azərbaycan vilayətinin bir hissəsi, eləcə də Türkiyənin ərazisinin böyük bir hissəsi daxil edilib.

Halbuki, indiki Şimali İraqda Kürd Muxtariyyətinin və İran Kürdüstanın əksər əraziləri tarixi Azərbaycan əraziləri olub və son onilliklərdə İraq rejimi tərəfindən bu ölkədə və pəhləvi rejimi tərəfindən İranda azərbaycanlıların departasiyası və kürdlərin bu ərazilərə köçürülməsi ilə kürdüstanlaşdırılıb.