Mehrdad Şeyxi, Rza və Əli Vasiqi qardaşları da zindanda Abbas Lisaniyə dəstək məqsədilə aclıq aksiyasına başladı

GADTB-nin Mətbuat Mərkəzinə daxil olan məlumata görə, irqçi fars rejimin zindanında haqsızlıqlara görə etiraz aksiyasıa başlayan tanınmış azərbaycanlı siyasi məhbus Abbas Lisaniyə dəstək davam edir.

Yusif Karidən sonra azərbaycanlı siyasi məhbus Mehrdad Şeyxi, Rza Vasiqi və Əli Vasiqi də iyunun yaxınları ilə telefon əlaqəsi zamanı Abbas Lisaniyə dəstək məqsədilə  iyunun 13-ü səhər saatlarından aclıq aksiyasına qoşulacaqlarını bildiriblər.

Onlar Abbas Lisaninin aclıq aksiyasını davam etdirdiyi müddətcə onu yalnız buraxmayacaqlarını və aksiyalarını davam etdirəcəklərini deyiblər.

Bundan öncə isə iyunun 12-si səhər saatlarından Yusif Kari də  Abbas Lisaniyə dəstək məqsədilə aclıq aksiyasına başlayıb.

Qeyd edək ki, Abbas Lisani iyunun 10-da ailəsi ilə telefon danışığında zindan məsullarının ona qarşı müxtəlif vasitələrlə təzyiq göstərdiyini bildirib. Siyasi məhbusun sözlərinə görə, ağır cinayətə görə məhkum olunan cinayətkarı onun saxlanıldığı kameraya buraxıblar və bu vasitə ilə ona mənəvi və psixoloji təzyiq göstərməyə çalışırlar. Abbas Lisani bu haqsızlığa etiraz olaraq şənbə günündən aclıq aksiyasına başlayıb.

Həmçinin həkimlərin rəyinə əsasən Abbas Lisaninin bel fəqərələrinin ekokardioqrafiya və MRT müayinəsinə ehtiyacı var. Lakin həbsxana məsulları həkimlərin rəyini qulaqardına vururlar.