GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizdən olan azərbaycanlı milli-mədəni fəal Şəhruz Bərzgər Təbriz məhkəməsində müraciə etdikdən sonra məhkəmənin onun bir neçə ittiham üzrə mühakimə olunması barədə qərar çıxardığını bildirib.
Rejimin Təbrizdəki prokurorluğunun 1-ci şöbəsi tərəfindən çıxarılan qərara görə azərbaycanlı milli fəal “Qanunsuz etiraz aksiyasına qatılmaqla ictimai asayişi pozmaq”, “Polis məmurlarına itaətsizlik və onlarla qarşıdurma” və “Əli Məzlum Yengi adlı şəxsə məqsədli olaraq bədən xəsarətləri yetirmək”də ittiham olunub.
Qeyd edək ki, Şəhruz Bərzgər iyulun 24-də Təbrizdə valilik binasının inzibati binasının həyətində mülki geyimli təhlükəsizlik məmurları tərəfindən yaxalanıb. azərbaycanlı fəal yaxalanarkən döyüldüyü üçün müxtəlif bədən xəsarətləri alıb.
Şəhruz Bərzgər yaxalandıqdan bir həftə sonra 150 milyon tümənlik girov qarşılığında zaminə buraxılıb. Şəhruz Bərzgər eyni ittihamlara görə yaxalanan başqa azərbaycanlı fəal Şahin Bərzgərin qardaşıdır.
Iyulun 24-də Güney Azərbaycanın əsasən Təbriz şəhərində əl-Əhvaz etirazlarına dəstək məqsədilə etiraz aksiyası keçirildi və nəticədə rejim çox sayda azərbaycanlı fəalı yaxaladı.
