Güney Azərbaycan İstiqlalçı Təşkilatlar Birliyinin başqanı Əjdər Tağızadənin ölkədə baş verən hadisə ilə bağlı cənab prezidentə başsağlığı məktubu

Azərbaycan Respublikasının Prezidenti Zati-aliləri cənab İlham Əliyevə

 

Hörmətli cənab prezidentim,

 

Ölkəmizin paytaxtı Bakı şəhərindəki Respublika Narkoloji Mərkəzində baş vermiş yanğının faciəli nəticələri və çox sayda soydaşımızın həlak olması xəbərini böyük kədər hissi ilə qarşıladım.

Güney Azərbaycan İstiqlalçı Təşkilatlar Birliyi, güneyli soydaşlarımız və şəxsən öz adımdan həlak olanlara Allahdan rəhmət, yaralananlara isə şəfa diləyirəm. Azərbaycan Respublikası əhalisinin kədəri bizim kədərimiz, sevinci bizim sevincimizdir. Sizə dərin hüznlə baş sağlığı verirəm.

Hörmətli cənab prezidentim! Azərbaycan Respublikasını öz dövlətimiz hesab edir və Sizin rəhbərliyiniz altında daha da inkişaf etməsini arzu edirəm.

 

Hörmətlə,

Əjdər Tağızadə

Güney Azərbaycan İstiqlalçı Təşkilatlar Birliyinin Başqanı

İsveç, 3 mart 2018-ci il.