GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Əhər şəhərinin zindanında onlarla məhbusu zindanlarda insan haqlarının pozulmasına etiraz olaraq aclıq aksiyasına başlayıb.
Sosial şəbəkələrdə məhbusların ailələri tərəfindən yayılmış məlumata görə, Əhər zindanında ən az 20 məhbus zindanda insan haqlarının pozulması üzündən noyabrın 20-dən etibarən kütləvi şəkildə aclıq aksiyasına başlayıblar.
Əhər zindanının işçiləri və müdiriyyətinin məhbuslarla olduqca pis və alçaldıcı davrandıqları bildirilir. Onları məzuniyyət hüquqlarından da məhrum ediblər.
Qeyd edək ki, zindan idarəçilərinin məhbusları məzuniyyətə göndərmək hüququndan məhrum etməklə onlara qarşı ruhi və psixoloji təzyiq göstərməyə davam edirlər.
