GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Bayden İranın bütün dağıdıcı hərəkətlərinə baxmayaraq zəiflik göstərib İranla razılığa gəlməyə çalışır.
Amerikanın İran üzrə xüsusi nümayəndəsi Rober Mali fevralın 6-da tezliklə İranla müzakirələrə davam etmək üçün Vyanaya qayıdacağını və hələ də atom anlaşmasının bərpa edilməsi üçün imkanın olduğunu deyib.
Mali dünən axşam “MSNBC” xəbər kanalına açıqlamasında Amerika prezidenti Co Baydenin İranla Vyana müzakirələrini davam etmələrini istədiyini bildirib.
Avropalı diplomatlardan biri “Reuters”ə açıqlamasında müzakirə tərəflərinin fevralın 8-də Vyanaya gedərək danışıqlara yenidən başlayacaqlarının ehtimal edildiyini vurğulayıb.
Xatırladaq ki, İran və Amerika diplomatları son həftələrdə dəfələrlə danışıqların son mərhələyə çatdığını və siyasi qərarların qəbul edilməsinin vacibliyini bəyan edib və bir-birlərini bu cür qərarlardan çəkinərək hər hansı bir razılaşmaya mane olmaqda ittiham ediblər.
