GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Amerikanın dövlət katibi Entoni Blinken “NBC” telekanalına açıqlamasında Sepah-ın terror təşkilatı olduğuna təkid etdi.
Blinken Sepah-ın terror təşkilatları siyahısından mümkün çıxarılması ilə bağlı suala cavabında nüvə müzakirələrinin detallarını açıqlamadan anlaşmanın bərpasına nikbin baxmadığını bildirib.
O, daha sonra müzakirələr üçün bu qədər səylərin göstərilməsinə baxmayaraq, istədikləri nöqtəyə gəlib çıxa bilmədiklərini söyləyib.
Qeyd edək ki, İran hökuməti nüvə anlaşmasının canlandırılması üçün Sepah-ın adının terror təşkilatları siyahısından çıxarılması şərtini irəli sürüb. Lakin bu şərt Qərb ölkələri və Amerikanın respublikaçı konqresmenləri tərəfindən kəskin etirazlarla qarşılanıb.
