GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, azərbaycanlı hüquq müdafiəçisi və siyasi məhbus Əkbər Nəimi hazırda Tehranın Evin həbsxanasında 9 il 8 aylıq həbs cəzasını çəkir və məhkumluğundan bir neçə ay keçməsinə baxmayaraq hələ də məzuniyyətə buraxılmır.
“Orin” qeyri-hökumət təşkilatının Mərkəzi Şurasının üzvü və daha əvvəl İran hökumətinin Xoy şəhərindəki dar baxışlı məmurlarının göstərişi ilə ləğv edilmiş “Günəbaxan Mərkəzi” təşkilatının təsisçilərindən biridir.
Milli və vətəndaş cəmiyyəti fəalı olan Nəimi 1983-cü ildə Güney Azərbaycanın Xoy şəhərində anadan olub və maşınqayırma ixtisası üzrə bakalavr təhsili alıb. 2012-ci ildən İran dövlət aviaşirkətinin (HOMA) təmir şöbəsində işləyib, lakin 2020-ci ilin fevralında həbs olunduqdan sonra o, işə qayıda bilməyib.
