GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İranın Azərbaycana qarşı yetişdirdiyi şəxslərin Azərbaycana qarşı böhtanları bitmir.
Salar Seyfəddini adı ilə həmin rejimin əlaltılarından biri Azərbaycan Ordusunun Qarabağda Ermənistanın saxladığı qanunsuz qüvvələrinin təxribatlarına cavab olaraq başlatdığı anti-terror əməliyyatlarına öz “Tvitter” hesabında münasibət bildirərək yazıb: “Bu gün və sonrakı günlərdə Qarabağda (Laçın) baş verən toqquşmaların məqsədi Ermənistana “Naxçıvan dəhlizi” adlanan ərazini açmaq üçün təzyiq göstərməkdir. Bu da İranla Ermənistan arasında sərhədin bağlanmasına bərabər ola bilər”.
Zəngəzur dəhlizini qəsdən Naxçıvan dəhlizi adlandıran rejimin əlaltısı guya eyni zamanda ölkədə şiə dindarlara qarşı daxili basqıların yönəldiyi və hücumların vaxtının İranda dini qeyri-rəsmi iş günlərinə təsadüf etdiyi kimi əsassız fikirlər irəli sürüb.
Qeyd edək ki, Azərbaycanın əməliyyatlarından sonra rejimin Araz kənarına qüvvə yeritməsi ilə bağlı videolar da yayılıb.
