İran rejimi həbs etdiyi aqzərbaycanlı fəal Şükrüllah Qəhrəmanifərdi vəsiqə qarşısında zaminə buraxıb

GADTB-nin Mətbuat Mərkəzinə daxil olan məlumata görə, İran rejiminin yaxaladığı Güney Azərbaycanın Xudafərin şəhərindən olan fəal və müəllim Şükrüllah Qəhrəmanifərd azadlığa buraxılıb.

Bu barədə Şükrullah Qəhrəmanifərdin oğlu Yaşar özünün sosial şəbəkə hesabında məlumat paylaşıb.

Azərbaycanlı fəal və müəllimin nədə ittiham olunduğu və niyə görə yaxalandığı barədə açıqlama verilməyib.

Qeyd edək ki, avqustun 1-də İranın ETTELAAT İdarəsinin 8 məmuru Xudafərində Şükrüllahın evinə hücum edərək onun evində axtarış aparıblar.

Məmurlar azərbaycanlı fəalın mobil telefonunu, kompüteri və kitabları, eləcə də başqa şəxsi əşyalarını müsadirə edərək özləri ilə aparmışdılar.

Şükrüllah Qəhrəmanifərd bundan öncə də dinc mədəni fəaliyyətlərinə görə bir neçə dəfə həbs və təzyiqlərlə qarşılaşıb.