Azərbaycanlı fəallar Şeyx Məhəmməd Xiyabanı qiyamının ildönümünü qeyd ediblər

GADTB-nin Mətbuat Mərkəzinə daxil olan məlumata görə, bir qrup tanınmış azərbaycanlı milli-mədəni fəal Şeyx Məhəmməd Xiyabanı qiyamının 98-ci ildönümü münasibəti ilə anım mərasimi keçiriblər.

Təbriz şəhərinin Məşrutə Evində aprel ayının 6-da keçirilən mərasimə bir çox tanınmış azərbaycanlı fəal, o cümlədən tanınmış fəal Həsən Dəmirçi də qatılıb. Fəallar Şeyx Məhəmməd Xiyabanı hərəkatı barədə çıxış ediblər.

Qeyd edək ki, Şeyx Məhəmməd Xiyabanı 1880-cı ildə Təbrizin Xaminə şəhərində dünyaya göz açmış və uzun illər mübarizədən sonra 1920-ci il sentyabrın 13-də Təbrizdə şəhid olub. Onun məzarı Təbrizdə olmadığı üçün fəallar onun anım mərasimini Təbrizin Məşrutə Evində keçiriblər