GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Təbrizdən olan azərbaycanlı öyrənci fəalı Nazənin Kiyanbəxt zaminə buraxılıb.
Təbriz İncəsənət Universitetinin “Qrafika” fakültəsinin tələbəsi Nazənin Kianbəxt müvəqqəti olaraq məhkəməyə qədər Təbrizdə rejimin mərkəzi zindanından girov qarşılığında zaminə buraxılıb.
Məhkəmə tələbə hərəkatına qarşı irəli sürülən ittihamlar barədə açıqlama verməkdən imtina edir.
Qeyd edək ki, noyabrın 29-da evinin qarşısında rejimin məmurları tərəfindən yaxalanan Nazənin Kiyanbəxt ürək çatışmazlığından əziyyət çəkməsinə baxmayaraq zindanda onun müalicəsinə icazə verilmirdi. Bu isə onun yaxınlarının ciddi nigaranlığına səbəb olmuşdu.
