GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars-molla rejimi Güney Azərbaycanın Əlborz əyalətində mağazaların lövhələrində qeyd olunan adların farsca olması barədə yeni sərəncam verib.
Sərəncam İran Mədəniyyət və İrşad Nazirliyinin Əlborz əyaləti bölməsinin sədri Səid Cabiri Ənsari tərəfindən imzalanıb.
Bunun çox sayda azərbaycanlının yaşadığı əyalətdə mağaza, bazar və iş yerlərinin türkcə adlarına qoyulan qadağa olduğu bildirilir. Səid Cabiri Ənsari bu addımın fars dilinin qorunub saxlanılması və inkişafı üçün atıldığını söyləyib.
Qeyd edək ki, bundan öncə Tehran polisinin ümumi məkanlara nəzarət bölməsi də oxşar addım ataraq qeyri-fars dilində lövhələri olan iş yerlərinin sahiblərinə qarşı tədbirlər görüləcəyini bildirmişdi.
