“Türkçülük günü” münasibəti ilə Milliyyətçi Gənclər Təşkilatı tədbir keçirib- Şəkil

GADTB-nin Mətbuat Mərkəzinə daxil olan məlumata görə, 3 May 2018-ci il tarixində “Türkçülük günü” münasibəti ilə Milliyyətçi Gənclər Təşkilatı tədbir keçirib. İştirakçılar arasında təşkilatın üzvləri, tərəfdarları ilə yanaşı rəsmi qonaqlar da vardı. Azərbaycan Respublikasının dövlət himninin səsləndirilməsi ilə başlanan tədbirdə açılış nitqini təşkilatın hazırkı idarə heyəti sədri İskəndər Osmanlı söylədi. Ardınca ideoloji şöbə əməkdaşı Gündüz Sadıqov “Türkçülük günü”-nün tarixi, mahiyyəti və günümüzə yansıması barədə danışdı. Çıxışçılar arasında qonaqlardan GADTB başqanı Əjdər Tağızadə,  tarix üzrə fəlsəfə doktoru Kərəm Məmmədli, TSH başqanı Babək Mehdiyev vardı. Tədbirin bədii hissəsində Şahin Əlizadənin ifasında H.N.Atsızın “Yolların sonu” və Elçin Məmmədlinin ifasında “Çırpınırdı Qara dəniz” səsləndirilərək tədbir sonlandırıldı. Qeyd edək ki, Milliyyətçi Gənclər Təşkilatı hər il ənənəvi olaraq “Türkçülük günü”-nü qeyd edir.