Molla rejimi “Hüseyniyyun” terror təşkilatının üzvünə 40 mərasimi keçirilib

GADTB-nin Mətbuat Mərkəzinə daxil olan məlumata görə, irqçi fars-molla rejimi bu yaxınlarda Bakı həbsxanasında vəfat edən “Hüseyniyyun” terror təşkilatının vaxtilə Suriyada döyüşmüş fəal üzvü Tale Yusifova Ərdəbildə 40 mərasimi təşkil edib.

Tədbirdə, Azərbaycan Respublikasında axtarışda olan və SEPAH-a sığınan terrorçulardan bəzisi, iranlı mollalar və SEPAH üzvləri iştirak ediblər.

Antiazərbaycan tədbirdə Azərbaycana qarşı ənənəvi ittihamlar səsləndirib, “islamın təhlükədə olduğu”nu iddia edərək vətəndaşları iğtişaşa çağırıblar.

Bununla bağlı təşkilatın media qanadı olan “Azərbaycan Araşdırmaları Mərkəzi” fotoşəkillər paylaşıb.

Qeyd edək ki, terrorçu fəaliyyətinə görə beynəlxalq axtarışda olan Taleh Yusifov Suriyadan Rusiyaya gedib, 2022-ci ildə isə Azərbaycan Respublikasına ekstradisiya edilmişdi.