GADTB-nin Mətbuat Mərkəzinə daxil olan məlumata görə, Güney Azərbaycan Milli Hərəkatının fəallarından olan Əmir Bədri Təbrizdə rejimin İnqilab Prokurorluğuna çağırılıb.
Bu haqda Əmir Bədri özünün “İnstagram” səhifəsində məlumat paylaşıb.
İyulun 8-də İran Ədliyyə Sisteminin elektron poçtu vasitəsilə göndərilən çağırış vərəqəsində Əmir Bədridən 5 gün ərzində Təbrizin Ümumi və İnqilab Prokurorluğunun 15-ci bölməsində olması istənilib.
Çağırış vərəqəsində mədəni fəalın “hökumətə qarşı təbliğat”da günahlandırıldığı qeyd olunub.
Qeyd edək ki, Əmir Bədri Təbriz Universitetinin metallurgiya ixtisasında təhsil alıb və təhsil zamanı tələbə hərəkatının fəallarından olub.