GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, “Dəniz kuboku – 2018” beynəlxalq müsabiqəsinə hazırlıq çərçivəsində Azərbaycan, Rusiya, İran və Qazaxıstan hərbi gəmiləri Xəzər dənizindəki döyüş hazırlığı poliqonunun ərazisində artilleriya atışlarını məşq etdiriblər.
Hərbi dənizçilər üzən minaların məhv edilməsi məqsədilə ilkin artilleriya atışları icra edib. Gəmilərin müxtəlif üsullarla yanalması da məşq olunub.
Növbəti hazırlıq mərhələsində gəmi heyətləri dəniz və hava hədəflərinə artilleriya atışlarını, habelə heyətlərin sağqalma qabiliyyətini məşq etdirəcəklər.
Qeyd edək ki, Rusiya və İran adlanan ölkə Xəzər dənizinin hərbiləşməsinə çalışır. İndiki vəziyyətdə Qərb sanksiyaları ilə qarşılaşdıqlarına görə, Azərbaycan və Qazaxıstanı da özlərinə qatıblar ki, öz hərbiləşdirmə işlərini ümumi proses kimi göstərsinlər.
