Azərbaycanlı məhbuslar Cəfər və Milad İsməilzadə 3 günlük məzuniyyətə buraxıldılar

GADTB-nin Mətbuat Mərkəzinə daxil olan məlumata görə, irqçi fars rejimin şərləyərək həbs etdiyi ata və oğul- Cəfər və oğlu Milad İsməilzadə rejimin Təbrizdə yerləşən zindaından 3 günlük məzuniyyətə buraxılıblar.

Təbrizin mərkəzi zindanının 12-ci bölməsində saxlanılan azərbaycanlı milli fəallar iyulun 9-da məzuniyyətə buraxılıblar.

Qeyd edək ki, azərbaycanlı milli fəallar Cəfər və Milad İsməilzadə iyunun 6-da rejimin Təbrizdə yerləşən məhkəməsinin hökmləri icra edən şöbəsinə çağırılaraq, barələrində çıxarılmış 6 ay həbs müddətini çəkmək üçün Təbrizin Mərkəzi zindanına köçürülmüşlər. Ata və oğul azərbaycanlı fəallar Azərbaycan türk millətinin hüquqları uğrunda çalışdıqları üçün rejim tərəfindən şərlənib həbsə atılıblar.