GADTB-nin Mətbuat Mərkəzinə daxil olan məlumata görə, bu gün Azərbaycan Demokratik Firqəsinin yaranması münasibətilə tədbir keçirilib.
Tədbirdə Azərbaycan Respublikasının əməkdar jurnalisti Rəhim Hüseynzadə Azərbaycan Demokratik Firqəsinin 1945-1946-cı illərdə rəsmi orqanı olan “Azərbaycan” qəzetindən söz açmış, onun nömrələrinin toplandığı iki kitabı göstərərək, kitabda yer alan mövzulardan danışıb. O həmçinin Azərbaycan Demokratik Firqəsinin yarandığı zaman irəli sürən 12 şüarı da səsləndirib.
Cəmiyyət sədrindən sonra çıxış edən Şərqşünaslıq İnstitutunun Cənubi Azərbaycan şöbəsinin müdiri, tarix üzrə fəlsəfə doktoru Səməd Bayramzadə də Demokratik Firqənin gördüyü işlərdən söz açmış, keçmiş tarix ilə yenidən tədbirdəkiləri tanış edib.
Həmçinin tədbirdə digər şəxslər də çıxış edərək, görülən işlərdən söz açıb.
Bildirək ki, tədbirdə Azərbaycan Demokratik Firqəsinin və “21 Azər” Hərəkatının ünlü simalarından sayılan Firidun İbrahimlinin 100 illiyi ilə bağlı olaraq müsabiqə elan edilib.