GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Rusiya rəsmisi Təbrizdə üçtərəfli görüşün İran adlanan ölkə tərəfindən Tehrana dəyişdiyini etiraf etdi .
Qeyd edək ki, Türkiyə, Rusiya və İran adlanan ölkənin prezidentlərinin Suriya ilə bağlı sentyabrda keçiriləcək üçtərəfli görüşü Təbriz şəhərində baş tutmalı idi. Lakin hazırlıq işlərinin getdiyi bir vaxtda görüşün yeri irqçi fars rejimi tərəfindən Təbrizdən Tehrana dəyişdirildi. Bu dəyişikliyə səbəb isə Azərbaycan türklərinin Türkiyə prezidenti Ərdoğanı qarşılamaya qərar verməsi olub.
Məsələyə Rusiya prezidenti Vladimir Putinin mətbuat katibi Dmitri Peskov avqustun 31-də münasibət bildirib: “Rusiya, Türkiyə və İran prezidentləri sentyabrın 7-də Tehranda görüşəcək.”
D.Peskov bildirib ki, görüşün yerinin Təbrizdən Tehrana dəyişdirilməsi İran rəsmilərinin istəyi əsasında baş verib.
D.Peskov Rusiya prezidenti Vladimir Putinlə Türkiyə prezidenti Rəcəb Tayyib Ərdoğanın təkbətək görüş keçirəcəyinə dair yayılan xəbərləri də təsdiqləyib.
İlk öncə İran və Türkiyə rəsmiləri üçtərəfli görüşün Təbrizdə keçiriləcəyi haqda açıqlama vermişdir. Qərarın gözlənilməz şəkildə dəyişməsi Güney Azərbaycanın ictimai-siyasi gündəmi ilə tanış olan insanlar üçün gözlənilən hadisə idi.
Görüşün yerinin dəyişdirilməsi ilə bağlı xəbər İran xarici işlər naziri Məhəmməd Cavad Zərifin Türkiyəyə gözlənilməz səfərindən sonra açıqlanıb.
