GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən avqust ayının 31-i azərbaycanlı milli-mədəni fəal, yazıçı və fədakar müəllim Səməd Behrənginin öldürülməsinin ildönümü münasibətilə azərbaycanlı öyrənci fəallar onun Təbrizdə məzarını ziyarət etdi.
Azərbaycanlı öyrəncilər S.Behrəngini xatirəsini dərin hörmət və sevgi ilə andılar.
Qeyd edək ki, Təbrizdə dünyaya göz açan Səməd Behrəngi irqçi şah rejimi dövründə Güney Azərbaycanın kəndlərində maarifçilik işi ilə məşğul olaraq, azərbaycanlı şagird və tələbələri oyadırdı. O eyni zamanda əhalini maarifləndirmək üçün ciddi-cəhdlə çalışırdı.
Dəfələrlə şah rejiminin qəzəbinə tuş gələn S.Behrəngi Araz çayında şübhəli şəkildə boğularaq, dünyasını dəyişmişdir. Onun şah rejimi tərəfindən həyatına qəsd edildiyi bildirilir.
