Güney Azərbaycanda Sulduz, Makı və Culfanın bazarları etiraz olaraq tətillərə başladı

GADTB-nin Mətbuat Mərkəzinə daxil olan məlumata görə, Güney Azərbaycanda Sulduz, Makı və Culfa və s. şəhərlərin bazarları irqçi fars rejimin yarıtmaz siyasəti nəticəsində iqtisadiyyatın çökdüyünə etiraz olaraq tətillərə başladı.

Sulduz bazarı kirayənin yüksək olması, qiymətlərin sabit olmaması və yaranan digər problemlərə etiraz olaraq tətillərə qoşulub.

Güney Azərbaycanın tətillərə qoşulan digər şəhərlərindən biri də Culfadır. Culfa şəhərinin Səttarxan pasajları, eləcə də Culfa Azad Zonasında Məşahiri Azərbaycan mağazaları və s. bazarları artıq tətillərə başlayıb.

Bundan başqa Makının sərhəd bazarı da mağazaları bağlayaraq Güney Azərbaycanda başlanan bazarlarda tətillərə qoşulublar. Rejimin yanlış iqtisadi siyasətinə etiraz olaraq başlanan tətillərə digər şəhərlər də qoşulmaqdadır.