GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Güney Azərbaycanın “Traxtur” klubu ilə Tatarıstanın “Rubin Kazan” klubu qardaşlaşdı.
Bu məqsədlə “Traxtur” klubunun sahibi Məhəmmədrza Zunuzi Tatarıstana gedərək, orada sentyabrın 15-də “Rubin Kazan” klubunun stadionunda bu komandanın oyunçuları, o cümlədən türkmən mənşəli Sərdar Azmunla görüşüb.
Kazana gedən idman və ticarət heyəti arasında “Traxtur” klubun sahibi Məhəmmədrza Zenuzi və icraçı direktor Dr. Əsədinin də adları çəkilir. Klubların məsulları arasında aparılan müzakirələrdən sonra iki klub arasında əlaqələrin genişləndirilməsi və qardaşlaşması ilə bağlı razılıq əldə olunub, bu barədə müqavilə imzalanacağı gözlənilir.
Qeyd edək ki, Tatarıstan Muxtar Respublikası Rusiyanın türk cümhuriyyətlərdən biridir və Traxturla Rubin Kazan qardaşlaşması iki türk şəhərinin komandalarının qardaşlaşması deməkdir.
