GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, türk dilində təqvim çapı ilə bağlı irqçi fars rejimi tərəfindən yaxalanan azərbaycanlı milli-mədəni fəallar Mehdi Qəməri Benisli, Behnam Nurməhəmmədi və Yasin Ərfəi Evin zindanının 7 nömrəli İstintaq şöbəsinə çağrılaraq onlara qarşı yeni yalan ittihamlar irəli sürülüb.
Fəallar əvvəlcə saxta iddia ilə milli təhlükəsizliyə qarşı çıxmaq ittihamı ilə təqsirləndirilmişdilər. Bu dəfə isə onlar yenə saxta iddialarla ictimai rəyi təhrik etməkdə ittiham ediliblər.
Qeyd edək ki, irqçi fars rejimi azərbaycanlı milli-mədəni fəallar Mehdi Qəməri Benisli, Behnam Nurməhəmmədi və Yasin Ərfəini türk dilində təqvim çap etdiklərinə görə qanunsuz həbs etmişdi. Fəallar Behnam Nurməhəmmədi, Yasin Ərfəi və Mehdi Qəməri Benisli hər biri 50 milyon tümənlik vəsiqə girov qoymaqla Tehranın Evin zindanından müvəqqəti azadlığa buraxılıblar.
İranın irqçi fars rejimi o dərəcə də irqçi və diktator olub ki, bir millətə öz dilində təqvim çap etməyi də cinayət hesab edərək, təqvimi çap edənləri həbs edir. Bu dərəcədə rasizm isə dünyanın heç yerində qeydə alınmayıb.
