Kataloniyada istiqlalçıların mühakiməsinə kütləvi etirazlar başladı: 28 yaralı

GADTB-nin Mətbuat Mərkəzinə daxil olan məlumata görə, Kataloniya bölgəsində etirazçılarla polis arasında toqquşmalar baş verib. Toqquşmalar nəticəsində 28 nəfər yaralanıb. Yaralılar arasında 12 polis də var.

3 nəfər polisə müqavimətə görə saxlanılıb.

Hazırda Kataloniyanın bir sıra şəhərlərində, o cümlədən Barselonada İspaniya Ali Məhkəməsinin “Katalon işi”nə baxmasına etiraz olaraq mitinqlər keçirilir. Barselonada etirazçılar şəhər mərkəzi ilə ətraf rayonları birləşdirən dəmir yol xəttini bağlayıb. Təhlükəsizlik qüvvələri yalnız saat yarımdan sonra yolu aça biliblər.