GADTB-nin Mətbuat Mərkəzinə daxil olan məlumata görə, Güney Azərbaycanın Muğan bölgəsində yerləşən İslamabad şəhərində azərbaycanlı fəallar “Tut bağı” ərazisindəki ağacların kəsilməsi ilə bağlı rejimin rəsmilərinə etiraz ediblər.
Aksiyaya qatılan azərbaycanlı fəallar üzərində Azərbaycan xalq şairi Zəlimxan Yaqubun məşhur “Bu yaşıl ağacın altı bizimdir” şeiri yazılmış banner nümayiş etdiriblər.
Qeyd edək ki, irqçi fars rejimin yerli məsulları bu ərazidə yolu genişləndirmək bəhanəsi ilə “Tut bağı” ərazisindəki ağacları kəsmək niyyətindədir. Bu məsələ yerli əhali, xüsusilə də ətraf mühit tərəfdarlarının ciddi nigaranlığına səbəb olub.