GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, İran və Çinin koronavirusdan ölənlərin həqiqi sayını gizlətdiyi kimi diktatura ölkəsi olan Rusiya da yeni növ koronavirus epidemiyasına yoluxanların gerçək sayının açıqlanmadığı və virusa yoluxanların əksəriyyətinə “sətəlcəm” diaqnozu qoyulduğu bildirilib.
Rusiya Həkimlər Birliyi yanında fəaliyyət göstərən həkimlər ittifaqının rəhbəri Anastasiya Vasilyeva ölkədə yayılan yeni növ koronavirus (Covid-19) epidemiyası ilə bağlı vəziyyəti qiymətləndirib.
“Covid-19” epidemiyasına yoluxanların gerçək sayının açıqlanmadığını iddia edən Vasilyeva deyib: “Həkimləri əsl vəziyyəti gizlətməyə və lazımi avadanlıqların çatışmazlığı barədə susmağa məcbur edirlər”.
Həkimlərin lazımi avadanlıq olmadan xəstələri müalicə etmək məcburiyyətində olduqlarını irəli sürən Vasilyeva bildirib ki, dünyada virusa qarşı istifadə olunan avadanlıqların olmaması cəmiyyətə qarşı bir cinayətdir.
Qyd edək ki, Çin, İran və Rusiya koronavirusdan ölənlərin sayını qat-qat az açıqlamaqla, eləcə də koronavirusa yoluxma sayını gizlətməklə dünyada bu virusu geniş şəkildə yayıb və bəşəriyyəti ciddi təhlükə qarşısında qoyublar.
