Şərqi Azərbaycan əyalətində əczaçıların aylarla gecikdirilən ödənişlərə etiraz aksiyası

GADTB: Şərqi Azərbaycan əyalətinin əczaçıları apteklərin alacaqlarının aylarla gecikdirilməsinə etiraz olaraq, Şərqi Azərbaycan Sağlamlıq Sığortası İdarəsinin binası qarşısında aksiya keçiriblər.

Aksiya iştirakçıları «Artıq vədlər kifayət deyil» şüarını səsləndirərək, gecikdirilmiş borcların ən azı bir hissəsinin təcili ödənilməsini və bütün borcların tam şəkildə qaytarılması üçün aydın və konkret planın təqdim olunmasını tələb ediblər.

Əczaçılar bildiriblər ki, ödənişlərin uzun müddət gecikdirilməsi apteklərin maliyyə yükünü artırıb, dərmanların təchizatı və əhaliyə dərman xidmətlərinin göstərilməsi prosesini daha da çətinləşdirib.