Türk dövlət başçıları koronavirus təhlükəsilə bağlı bir araya gəlir

GADTB-nin Mətbuat Mərkəzinə daxil olan məlumata görə, Türk Şurasının üzv ölkələrinin liderləri arasında yaxın günlərdə COVID-19 virusuna qarşı birgə tədbirlərə dair onlayn müzakirələr aparılacaq.

Bu barədə Özbəkistan xarici işlər nazirinin müavini İlham Nemətov Beynəlxalq Mətbuat Klubunun iclasında bildirib.

İclasda pandemiyaya qarşı mübarizədə dünya birliyinin həmrəylik göstərə bilib-bilməməsi, Özbəkistanın koronavirusa qarşı tədbirlərinin beynəlxalq aləmdə necə dəyərləndirilməsi və başqa məsələlər müzakirə mövzusu olub.

Özbəkistanın koronavirusa qarşı fevral ayından mübarizə apardığını diqqətə çatdıran nazir müavini pandemiyanın yaratdığı çətinliklərdən danışaraq bildirib: “Bu gün hər bir dövlət səlahiyyəti, imkanları, iqtisadi inkişafı baxımdan pandemiya üzündən çox ağır vəziyyətə düşüb”.

İndiyədək xaricdə olan vətəndaşlarının xeyli hissəsini vətənə qaytardıqlarını vurğulayan İ.Nemətov Qazaxıstandan 7 minə yaxın, Çindən 3,5 min, Türkiyədən də mindən artıq özbəkistanlının ölkəyə gətirildiyini qeyd edib.

Həmçinin ilk dəfədir MDB sədri olan Özbəkistanın planlarında dəyişiklik olmadığı, vəziyyətin normallaşacağı təqdirdə oktyabr ayının 26-na nəzərdə tutulan sammitdə 11 sənədin imzalanacağı qeyd olunub.

Həmçinin yoxlayın

Yunandan etiraf; Türk “Anka”ları ordumuzu darmadağın edə bilər

GADTB-nin Mətbuat Mərkəzinə daxil olan məlumata görə, yunan aparıcı İoannis Theodoratos etiraf edərək deyib ki, …

Azadlıq dalanı: azərbaycanlı siyasi məhbus Əlirza Fərşiyə qrafit çəkildi

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbildə şəhərində azərbaycanlı siyasi məhbus Əlirza …

Bir cavab yazın