Cümə axşamı , Noyabr 19 2026
azfa

Türkiyə 50 minlik ordunu hazır vəziyytə gətirib

GADTB-nin Mətbuat Mərkəzinin əldə etdiyi məlumata görə, Türkiyə Azad Suriya Ordusuna (ASO) hazır olun göstərişi verib. Türkiyə ordusu da “Fərat qalxanı”, “Zeytun budağı” əməliyyatları ilə təmizlədiyi bölgələrdə və İdlibdə hazır vəziyyətə gətirilib.

Bölgədə 30 min türk əsgəri və 50 min ASO döyüşçüsü hücum əmrini gözləyir.

“Yeni Şəfəq” qəzeti yazır ki, son 15 gündə türk ordusu Suriya sərhədində zirehli texnika və tank sayını iki qat artırıb.

Bütün bu hazırlığın səbəbi Rusiya və Əsəd rejiminin İdlibi bombalamasıdır.

ASO-ya verilən təlimatda döyüşçülərin və silah-sursatın sayı haqqında məlumat verilməsi və hazır olması qeyd olunub. Türkiyənin Suriyada terrorçulardan təmizlədiyi bölgələrdə yaratdığı “Milli ordu” adı altında birləşən 30 min ASO döyüşçüsünün 10 mini bölgədə saxlanılacaq, 20 mini isə İdlibə göndəriləcək. İdlibdəki bütün qruplarından yaradılmış “Vətən cəbhəsi” ordusunda isə 30 min döyüşçü var. Beləliklə, 50 min döyüşçü İdlibdə döyüşə hazır vəziyyətə gətiriləcək.

Təhlükəsizlik üzrə mütəxəssis Coşkun Başbuğ bildirib ki, türk ordusunun sərhədə toplanması sadəcə müdafiə xarakteri daşımır: “Hücum hər an başlaya bilər. İdlib üzərində baş verənlər Afrin və “Fərat qalxanı” bölgəsinə qarşı çirkin planları özündə birləşdirir. Türk ordusu bütün seçimləri masaya qoyub. Ərdoğanın “sadəcə baxmaqla kifayətlənməyəcəyik” sözləri də bundan xəbər verir”.

Həmçinin yoxlayın

May Sato: Müharibə dey ayı etirazları zamanı baş verənlərin unudulmasına səbəb olmamalıdır

GADTB: BMT-nin İranda insan hüquqları üzrə xüsusi məruzəçisi May Sato Fransa parlamentində çıxışı zamanı bildirib: …

Netanyahu: İslam Respublikasının nüvə təhdidi İsrail sərhədlərində dayanmayacaq

Israel’s Prime Minister Benjamin Netanyahu attends the weekly cabinet meeting in Jerusalem on November 19, …

Bir cavab yazın