Türkiyə Çexiyanın ermənipərəst qərarına qınadı

GADTB-nin Mətbuat Mərkəzinə daxil olan məlumata görə, Türkiyə Çexiya parlamenti Senat qanadının 1915-ci il hadisələrilə bağlı verdiyi ermənipərəst qərarına reaksiya bildirib.

Türkiyə Xarici İşlər Nazirliyinin bəyanatında yazılır: “Qərar iki ölkənin münasibətinə xələl gətirən, birtərəfli, əsassız fikirlərə əsaslanan, təhrif olunmuş zehniyyətin Çexiyada hələ də təsirli olduğunu göstərir. Bu qərar dünyanın yeni növ korona virusu (Covid-19) epidemiyası ilə mübarizə apardığı bir vaxtda Senatda bir neçə nəfərin hansısa mühitdə qəbul etdiyi və arxasında məkrin dayandığını ortaya qoyur.

Avropa İnsan Hüquqları Məhkəməsi 2015-ci il tarixli 173 və 231-ci maddələrini təsbit edərək 2017-ci ildə ikinci dəfə təkrar qərar qəbul etdi, 1915-ci il hadisələrinin tarixi mübahisədən başqa bir şey olmadığını vurğuladı.

Çexiyanın qərarı tarixi mövzunu siyasət və müəyyən dairələrin maraqlarına tabe etdirdiyi üçün qəbuledilməzdir.

Türkiyə prezidenti Rəcəb Tayyib Ərdoğan 24 apreldə ölkənin erməni patriarxına göndərdiyi məktubunda “Ortaq bir ağrını paylaşdığımızı diqqətə almağınızı təmənna edirik” deyə belə qeyd edib. 

Çexiya parlamentini Lozanna Sülh Müqaviləsinin müddəaları, beynəlxalq məhkəmə qərarları, hüququn tarixi və cari qaynaqlarına hörmət etməyə çağırırıq.

Türkiyə hökuməti bu qərarı əsassız, gündəlik mənafelər arxasınca qaçan, tarixi masa başında yazmaq istəyənlərin faydasız səyləri hesab edir”.

Qeyd edək ki, Çexiyanın xarici işlər naziri Tomas Petricek bu qərarın “hökumətin münasibətini əks etdirmədiyi”ni bildirib.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın