GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, Ərdəbildə Güney Azerbaycanda Azərbaycan Milli Hökumətinin (1945-1946-ci illərdə) yaradılmasının ildönümü ərəfəsində azərbaycanlı sənətkarlar Milli Hökumətin süquqtundan sonra işğalçı fars rejimin törətdiyi soyqırımı rəsm edib.
Əsərdə simvolik şəkildə 30 minədək azərbaycanlının soyqırıma məruz qalması öz əksini tapıb. Görüntülərin sənət dili ilə insanın deyə bilməyəcəyi bir çox informasiyanı çatdırmasına çalışılıb.
Əsərləri hazırlayan sənətkarlar 21 soyqırımının çalarlarını şəkillərdə əks etdirməklə yanaşı, insanlarda belə bir sual da təcəssüm etdirir ki, o dövrdə kimlər faciənin qurbanı oldu, və baş verən soyqırım kimlər tərəfindən törədildi?!
Şəkillərdə qorxu, dərd, qəm, qaranlıq, ölüm, zülm və s. halların çaları hiss olunur.
Qeyd edək ki, 1946-cı ildə işğalçı fars rejimi Güney Azərbaycanı işğal edərək, azərbaycanlılara qarşı soyqırım törətmiş və həmin soyqırımda 30 mindən çox Azərbaycan türkü məhv edilmişdir.
