GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, dünən Şərqi Azərbaycan vilayətinin Telekommunikasiya şirkətinin əməkdaşları minimum əmək haqqının gecikdirilməsinə, vəzifə təsnifat planının yerinə yetirilməməsinə və əvvəlki illərin sığorta haqlarının ödənilməməsinə etiraz olaraq Təbriz şəhərində etiraz aksiyasına başlayıblar.
Çərşənbə axşamı həmçinin Muğan bölgəsinin Sənayeləşmiş Kənd Təsərrüfatı Kompleksinin işçiləri Parsabadda yerləşən bu kompleksin mərkəzi idarə binasının qarşısına toplaşdılar.
Azərbaycanlı işçilər maaşlarının verilməməsinə və əmək haqqının az olmasına etiraz olaraq mitinq keçiriblər.
Etirazçıların dolanışıq və məşğulluq problemlərinə baxılmaması, idarəçilərin səmərəsiz fəaliyyəti və məmurların məsuliyyətsizliyinə etiraz etdikləri bildirilir.
Çərşənbə axşamı həmçinin Zəncan Tibb Elmləri Mənzil Tikinti Kooperativinin bir sıra benefisiarları bu şəhərin ədliyyə binası qarşısına toplaşdılar.
Bu etirazçılar Zəncan Tibb Elmlərinin 1-ci fazasının torpaqları ilə bağlı 25 illik qərarsızlığına etiraz edirlər.
