GADTB Güney Azərbaycan Demokratik Türk Birliyi
GADTB: TUSAŞ Türkiyənin ehtiyac duyduğu təyyarələrin dizaynı, istehsalı və modernizasiyası ilə yanaşı, ixrac fəaliyyətlərini də həyata keçirir.
Paytaxt Ankaranın Kahramankazan rayonunda yerləşən objekti terror hücumunun hədəfi olan Türk müdafiə və aerokosmik sənayesinin aparıcı şirkətlərindən biri olan Türk Aviasiya və Kosmik Sənaye Şirkəti (TUSAŞ) başda Türkiyəni beşinci nəsil təyyarə istehsal edə bilən bir neçə ölkə sırasına daxil edəcək milli döyüş təyyarəsi KAAN olmaqla müxtəlif önəmli layihələr həyata keçirir.
1973-cü ildə qurulan TUSAŞ Türkiyənin ehtiyac duyduğu təyyarələrin dizaynı, istehsalı və modernizasiyası ilə yanaşı, ixrac fəaliyyətlərini də həyata keçirir.
Şirkət bu günə qədər həyata keçirdiyi mühüm layihələrlə Türkiyə müdafiə sənayesinin güclənməsinə mühüm töhfə verib. Şirkətin koordinasiyasında istehsal edilən “T129 ATAK” Hücum və Taktiki Kəşfiyyat Helikopteri, “T70” Ümumi Məqsəd Helikopteri, ANKA və AKSUNGUR pilotsuz uçuş aparatları kimi hava platformaları təhlükəsizlik qüvvələrinə xidmət edir.
HÜRKUŞ Təməl Təlim Təyyarəsi, HÜRJET Təlim və Yüngül Hücum Təyyarəsi və GÖKBEY Ümumi Məqsədli Helikopter kimi məhsullar inventara daxil olmaq üçün gün sayır, pilotsuz ANKA III döyüş təyyarəsinin sınaqları intensiv şəkildə davam edir.
TUSAŞ KAAN-ın da memarıdır
Şirkətin ən mühüm layihələrindən biri olan və istehsalı davam edən Milli Döyüş Təyyarəsi KAAN ölkənin aviasiya tarixində mühüm dönüş nöqtəsini təşkil edir.
KAAN layihəsi sayəsində Türkiyə döyüş təyyarələrinin dizaynı və istehsalında dünyanın qabaqcıl ölkələrindən biri olmaq yolunda mühüm addım atır. KAAN Türkiyəni dünyada 5-ci nəsil təyyarə istehsal edə bilən azsaylı ölkələr sırasına daxil edəcək.
Layihə Türkiyənin müdafiə sənayesində müstəqilliyini gücləndirəcək və xarici asılılığını azaldacaq. KAAN-ın 2028-ci ildə Türkiyə Hərbi Hava Qüvvələrinin inventarına daxil olması hədəflənir.
TUSAŞ bütün ölkələr sırasında da diqqətəlayiq uğurlara imza atıb.
Şirkət bu yaxınlarda Azərbaycanın “Su-25” təyyarələrinin modernizasiya prosesini tamamlayaraq bu ölkəyə təhvil verib.
