Türk Dünyası üçün prtq xəritə hazırlanır

GADTB: Türk  Dünyası üçün prtq xəritə hazırlanır. Türkiyə Milli Müdafiə Nazirliyinin Xəritəçəkmə üzrə Baş direktoru, general-leytenant Osman Alp bu barədə məlumat paylaşıb.

Türk Dövlətləri Təşkilatına (TDT) üzv və müşahidəçi ölkələrin xəritəçəkmə qurumlarının rəhbərləri, hərbi attaşelərinin iştirakı ilə TDT-nin xəritəçəkmə qurumları rəhbərlərinin birinci toplantısı keçirilib.

Məlumata görə, üzv ölkələrlə (Azərbaycan, Qazaxıstan, Qırğızıstan, Özbəkistan, Türkiyə), müşahidəçi dövlətlərin (Macarıstan, Şimali Kipr Türk Respublikası, Türkmənistan) nümayəndələri türk dünyasının ortaq xəritəsini hazırlamaq məqsədi ilə bir araya gəliblər.

General-mayor Osman Alp xəritənin əhəmiyyətindən danışarkən onun ölkənin müdafiəsinin açarlarından biri olduğunu vurğuladı:

“Biz kartoqraflar İbn Xəldunun “Coğrafiya qismətdir” kəlamına əsaslanaraq coğrafiyanın çox yaxşı bilinməsinin lazım olduğunu iddia edirik. Biz qəbul edirik ki, coğrafiyanı yaxşı bilməyin yolu xəritədən keçir ki, bu da inkişafın ən mühüm açarlarından biridir. Bu səbəblə kartoqrafiya sahəsində keçirilən bu toplantının ölkə müdafiəsi üçün olduqca önəmlidir.”

Osman Alp imzalanan bəyannamə ilə bağlı aşağıdakı məlumatları verib:

“Bəyannamə ilə kartoqrafiya sahəsində texniki bilik və təcrübənin bölüşdürülməsi, təlim və məsləhətlərin verilməsi, birgə xəritə istehsalı üçün standartların yaradılması, rəqəmsal kartoqrafiya tətbiqləri üçün əməkdaşlıq və bu məsələlərlə bağlı texniki araşdırmaların aparılması razılaşdırılıb. Türk Dövlətləri Təşkilatı ölkələrindəki xəritəçəkmə qurumları öz sahələri üzrə texniki ekspertlər təyin olunacaqlar. Bəyannamədə qeyd olunan əməkdaşlıq məsələləri ilə bağlı konkret addımlar işçi qrupunun texniki heyəti tərəfindən müəyyən ediləcək”.