GADTB Güney Azərbaycan Demokratik Türk Birliyi
GADTB-nin Mətbuat Mərkəzinin Axar.az satına istinadən yaydığı məlumata görə, seçkilərdə saxtakarlıq olmasına baxmayaraq hökumət hər hansı bir reaksiya vermədiyinə görə türkmanların nümayişləri üçüncü həftədə də davam edəcək.
Bu sözləri İraq Türkman Cəbhəsinin lideri Ərşad Salehi deyib. Onun sözlərinə görə, türkmanların seçki vərəqələrinin əllə sayılması tələbi yerinə yetirilməyəcəyi halda nümayişlər Bağdadda davam etdiriləcək.
“Xüsusən hökumət yaradılması prosesində türkmanları çətin günlər gözləyir. Hökumət yaradılması prosesində mümkün bir şiə-kürd koalisiyası formalaşdırılacağı halda Kərkükün siyasi sövdələşmə halına gələcəyindən narahatıq. Ərəblər yanımızdadır, kürdlərin də bir qismi bizi dəstəkləyir”, – Salehi bildirib.
Xatırladaq ki, İraqda keçirilən seçkilərdə türkmanların kompakt yaşadığı ərazilərdə səslərin kürdlərin xeyrinə dəyişdirildiyi iddia edilmişdi.
